Engineer Ka Viva

Time pass pe nahi lag payi lagaam,
FIFA ka khel khelte nikal gayi shaam,
5 Megapixel ke camera se photo liye tha,
Bhul gaya ki dost ne aisa koi mail kiya tha,

External ke saamne hoga hamara pehla batch,
Uski penalty, uska goal lekin hamara catch,
Shuru ke roll number abhi bahar aaye hain,
Unke aas-pas log reporter ban ke chaye hain,

Jitna bhari hato hai external ka lunch,
Utna bhari baad ke bacho pe padta hai punch,
Ladkiyon ne file mein chehra dal rakha hai,
Ladko ne masoom sa chehra paal rakha hai,

Hamne toh kabhi nahi kholi thi file,
Experiment ka alag hi tha yeh style,
Usne sabke assignment le liye,
Phir pucha tune kitne hain kiye,

5th program mein kitne packet hue through,
Hum sab dekhte rah gaya ek dusre ka muh,
Sare padhe answer ho jate hain gumnam,
Techmax refer karnewalo ka yehi hai anjam,

External bola ki beta tera concept nahi hai clear,
Arre sir.....isi ko toh kehte hain asli engineer,
KT ki dhamki dekar hamari itni bhi mat maro,
Light waise bhi nahi hai....ek aur bill mat fadho.

                                                   - Rajmohan Yadav